IBILBIDEAK

En esta nueva sección queremos que compartais con todos nosotros las rutas que conozcais y que pueden ser interesantes.

Esperamos vuestras aportaciones en: info@kirik.com

 

MENDIKO BIZIKLETAREKIN (MOUNTAIN BIKE) IBILBIDEAK:


01-Getxo - Plentziaki labarra
02-Ganguren Bilbotik
03-Ukiolako parque naturala
04-Circuito por Bakiotik zirkuitua

 

01-GETXO-PLENTZIAKI LABARRA

FITXA TEKNIKOA:
Egoera: Bizkaiko probintzian Kantauri itsasora begira dauden labarrak
Ibilbidea: 32 kilometro
Zailtasuna: erraza
Desnibela: 600 metro
Bizikletaz ibilerraztasuna: 100%
Iraupena: 3-4 ordu

Martxa planifikatzean pentsatu beharko gauzetariko bat zera izango da, itzulera ere egin nahi izanez gero, igoera eta jaitsiera iraunkorrek koska egingo dutela praktika gutxi daukaten zaleen oinetan. Gure posibilitate eta egoera fisikoaren arabera ibilitakotik beti itzuli ahalko gara.

Lagun talde batekin egitea aproposa litzateke. Aurkeztutako trialaren zailtasun txikiekin batez ere bideak aukeratzerakoan, dibertsioa ziurra da .

IBILBIDEA:
Getxo herriko Aixerrota deituriko errota famatuaren ondoan dagoen aparkalekutik irtengo gara

Beti labarraren ertzetik, markaturik dagoen bidetik egingo dugu aurrera, Kantauri itsasora dauden bista ederrez gozatuz eta ibilbide entretenigarri honetatik jarraituz, Aizkorri, Salvajeko hondartza, eta Sopela edo Atxabiribileko hondartzak ikusiko ditugu altu batetan dagoen aparkaleku batetik.

Errepiderantz jaitsiz (6,5 km) azken hondartza honetara heldu aurretik eskumatarantz joko dugu asfaltatutako aldats gogor batetik, berriro ere labar gaineko landetara heldu arte. Urbanizazio baten parean pasatuz, Meñakoz deituriko kalaren sarrera arte bidetik joko dugu (8,5 km). Igoera luze baina moderatu baten ondoren, itsasoraino jaisten den 100 metrotako altuera baino gehiagoko labar batek daukan ibilbideko puntu gorenera helduko gara .

Asfaltoa ukitu gabe jaisten hasiko gara “Gaztelu Punta” deituriko Plentziako badiaren behatokira heldu arte. Barrikako hondartzara jaitsiko gara (km. 12). Gero Barrika herria bistan daukagularik, eskumatara dagoen kurba bat hartu eta harrizko pista gordinetik igoko gara. Gailurrean, ezkerrerantz botako dugu egurrezko ate handi batetatik igaroz.

Landan dauden traza batzuetatik jarraituko dugu gero alanbrada bateko pasu batetik igarotzeko. Zuhaizkak dauden tokitik jarraituko dugu eta jaisterakoan berriro ere errekaren bestaldetik badia eta Plentzia eta Gorlizeko herriak ikusiko ditugu .

Bide zabala utzi gabe aurrerantz joko dugu. Bide hau errekaren paretik doa , urbanizazio baten atzealdeko errepide jeneralean dagoen egurrezko ate handi baten ostean itsasoratzen delarik (km. 14,8). Zubi berri eta modernistaraino joaterik baino ez daukagu, behin hau zeharkatu eta gero Plentziako plazara heltzeko (km. 16). .

Itzulera ibilbide berdinetik edo errepidetik egin daiteke baina normalean trafiko asko egoten da eta horregatik aukerarik lasaiena labarraren aukera da.

 

02-GANGUREN POR BILBOTIK

Ganguren edo Santa Marina, IbaizabalNerbioiko haranak eta Asuako harana banatzen dituen puntu gorena da.

Erliebearen leuntasunak eta hiri pasaiak Ganguren zerrako El Vivero deiturikoa, Bilbo inguruan dagoen tokirik atseginenetarikoa egiten du ibili ahal izateko. Guda zibil garaian toki hau “Cinturón de Hierro” erretagoardiaren parte izan zenik ezerk ez du jadanik gogorarazten. Duela urte gutxi arte aldiz, paisaia honetan gotorlekuen hondakinak ikusi ahal ziren baina lurraren, basabideen, suebakien eta abarren eten gabeko egokitzapenek desagerrarazi egin dituzte.

FITXA TEKNIKOA:
Altitudea: 479 metro.
Mendilerroa: Gangureneko mendilerroa
Irteera puntua: Otxarkoagako auzoa (Bilbo)
Desnibela: 390 metro.
Zailtasuna: erraza.
Interes puntuak: “El Vivero” Cinturón de Hierro deiturikoaren hondakinak.
Bisita gomendatuak: Bilbok dituen aukerak ugariak dira arlo guztietan.
Artxandako behatokiak (Bilboko panoramika)
Tontorretik dauden bistak:

Iparrerantz: Asua, Jata eta Sollube.
Hegoalderantz: Bilbo eta atzealdean Ganekogortako mendigunea.
Ekialderantz: Oiz, Durangaldeko mendiak eta Gorbeia.
Mendebalderantz: Serantes eta itsasoa.

IRIZPIDEA:
Toki ugaritik heldu daiteke baina punturik egokiena ibilbide guztia egin nahi duten bilbotarrentzat Otxarkoagako auzoa da, Rekako bidetik.

IGOERA:
Briñas edo Santa Marinako osasun-egoitzarantz igoera, Rekako bidean hasten da. Asfaltatutako pista da hau, aldapatsua, horma, ortu eta eskolen artetik gorantz eginez, Santo Domingo puntarantz joan beharko dugularik. Gero Oruetako bidearekin bat egingo dugu eta baserri zahar baten atzetik igaroz, Santa Marinara doan bidera helduko gara. Asfaltotik osasun egoitza arte jaitsiko gara.

Santa Marinako aparkalekuaren atzealdetik, asfaltatutako xenda hartu eta mendirantz joko dugu. Xenda hau laster harrizko bide bihurtuko da eta jolasparkea izandakorantz eramaten duen saihesbide zabal bat ekidin beharko dugu.

Gure bideak pinudi artetik eramango gaitu eta San Antoniorantz doan bidean bukatzen da. Bertan, buztinezko bide estu batetik berriro ere igotzen hasi beharko gara. Gutxi gora behera jolasparkearen azpian gaude, puntu honetatik ikusezina hala ere. Laster metroak irabaziko ditugu beste bidegurutze batera heldu arte. Errepidea gurutzatu beharko da, bidea berriro hartuz gure helburura heldu arte (El Vivero beti bistan izango dugu). 10 minutu beranduago, baserri batetik igaroko gara eta El Vivero-ko zuhaiztira helduko gara.

El Vivero-n iturria eta taberna daude (dagoz) eta bertan atseden hartu ostean, Gangurenerantz joko dugu. Ez dauka galtzerik, gailurreko punturik gorena baita. Igoera, kontrasu batetik egiten da. Gailurrean antenaz beterik, hesitutako bunker antzerakoa dago.

Otxarkoagarantz jaitsiera era bitan egin daiteke. Bata errepidetik, jaitsiera labur baten ondoren, eta bestea kontrasua jarraituz, mendi bizkarrak Santo Domingotik datorren errepidearekin daukan bateratze punturarte. Gero, Santiago Bideko seinale baten ondoan, Auril mendira eramaten duen harritxirrizko bidea hasten da. Puntu horretan, hasieran bertatik eta gero bideak saltatuz, altuera galtzen hasten da, bide eta zidor bat gurutzatuz, birpopulaketa area eta baserri baten ondoan dagoen jatetxe batera heldu arte. Lehenengo aukerarekin Santa Marinako errepideraino jaitsiko gara lehenik eta gero Oruetako bidetik, Otxarkoagarantz.

 

03-URKIOLAKO PARQUE NATURALA

Irizpideak:
Bilbo-Behobia autopistatik etorriz gero, Durangoko irteera hartu beharko dugu (Urkiolako Parke Naturala eta Gasteiz seinalatzen duena).
Bidesaretik irten bezain pronto Elorriorantz doan errepidea hartzen dugu, BI-632-a, Abadiñora heltzear gaudenean desbideratze bat hartuko dugu gure eskumatara BI-4335 eskualdeko errepidea hartzeko eta Mendiola auzorantz joateko. Gure ezkerretara ikusiko dugun lehenengo tabernan (bidegurutzetik kilometro bira gutxi gora behera), kotxeak utzi ahal izango ditugu.

Ibilbidea:
•  0,00 Km-a: Mendiola. Etorritako zuzenbidetik, tabernatik irtengo gara eta Sagasta auzora eramaten duen bide bat ezkerretara utziz, zuzen joko dugu Atxarteko harrobira heldu arte (eskalada eskola) (300 m.). Zuzen igotzen den bidea hartuko dugu zubi bat igaroz, ermita bat eskumatara egongo da eta ia 250 metro dituen gure lehen aldapa igolo dugu (nahiko gogorra da arinago berotu ez bagaren).

•  3,50 Km-a. Apurka igotzen joango den pista batetan sartuko gara. Azkenera heltzerakoan 90º biratuko gara eta 2 km dituen aldapa gogor batetik jarraituko dugu. Ondoren pista zuzena egiten da eta pinu eta pagoz beteriko baso lau batetik ibiliko gara.

•  9,00 Km-a. Pista hau Durangotik Urkiolara igotzen den errepidean bukatzen da, BI-623an Txakurzulo deituriko puntuan. (560 m). Errepidea ezkerretara hartuko dugu eta bertatik igoko gara Urkiolako portura heldu arte.

•  10,00 Km-a. Ezkerretara jiratuko gara eta aldats gogorreko errepide batek, Urkiolako Santutegian utziko gaitu.

•  10,40 Km-a. Asfaltaturiko errepidearen amaieran, aparkalekuen ondoan, aterpe bat dago eta bertan uraz hornitu ahal izango gara.

Guk aurrean dagoen pista lautik jarraituko dugu Pol-Pol-eko landetara heldu arte.

•  13,50 Km-a. Hemen babesleku txiki bat daukagu, eguraldi okerra egonez gero, aterpe gisa balioko digu indarrak berreskuratu arte. Gure aurrean Anboto mendia dago bere 1331 metrorekin. Jarraitu behar dugun pista ikusten da. Aldatsa hasten den tokian, pistak egiten duen kurbaren ondoan, ibilbidearen hurrengo puntua seinalatzen duen poste bat daukagu, Zabalandi. Pistaren lehenengo zatia nahiko aldapatsua da Anbotoko basera heldu arte.

•  14,20 Km-a. Hemen aukera bi ditugu. Bata eskumatara dagoen pista hartzea, hemendik pago artetik Zabalandira arte joango gara bide lasai batetik. Bestea aurrerantz jarraitzea (zona nahiko teknikoa), gutxira beste pistarekin bat eginez.

•  17,00 Km-a. Zabalanditik jaitsiera jarraituko dugu Tellamendira heldu arte, pista gure ezkerretara utziz. Txabola baten ondotik igaroko gara eta xenda txiki batetik sustraiez beteriko pagoen baso batetik eta ezkerretara dagoen sakana sakon batetik igaroko gara (kontuz lurra bustirik badago, erorketa ziurra da eta).

•  23,50 Km-a. Betsaide mendia seinalatzen duen poste berri bat aurkitu arte jarraituko dugu (hil diren mendizaleen omenez monumentua dauka). Betsaiden hiru probintziak elkartzen dira, Araba, Bizkaia eta Gipuzkoa. Bidegurutze batera arte jarraituko dugu pistatik eta gure ezkerretara, beste pista bat hartuko dugu (kontu handiz ibili kotxeek igo ahal dute eta), Apatamonasteriora heldu arte.

•  31,50 Km-a. Marzana auzotik Axperarte joango gara. Sagaztatik banantzen gaituen bizkarrerantz arrapala batzuk igoko ditugu (2 km.), horretarako eskumatarantz banatuko gara markatutako pistatik.

•  33,50 Km-a. Tontorretik esandako auzotik, Mendiolarantz jaisten hasiko gara (36,00 Km-a)

Distantzia: 36 Km
Gutxienezko kota: 130 metro
Gehienezko kota: 980 metro
Bizikletaz ibilerraztasuna: 100%
Gutxi gora behera beharreko denbora: 4-5 ordu.

Oharrak: Derrigorrezkoa da forma onean egotea (nahiz eta azken finean zelako martxan joaten den arabera izan). Belaiñoa egonez gero Zabalandi eta Betsaide artean, posible da okertzea. Distantziak ez dira guztiz zehatzak, duela denbora asko egin bainuen ibilaldia eta xehetasun txikiak ez ditut ondo gogoratzen.

Jatera gelditzera pentsatuta izanez gero, zona honetatik jateko tipikoa (babarrunak, txuletoi ona ...) daukaten jatetxe batzuk daude.
 

04-BAKIOTIK ZIRKUITUA

Kokalekua: Bakio (Bizkaia)
Bata bestekoak: 2000-10-01: 13,7 km/ordu (29 km), 2 ordu 10 min.
Zirkuitua: Bizkaiko Foru Aldundiak markaturiko Jesus Loroño eta Adolfo Uriona erruten konbinaketa.

IBILBIDEA:
Bakioko futbol zelaitik irteera (Zubiaur auzoan). Bakioko zuzenbidean, eskumatara dagoen errepidea hartzen da. Zubia igarotzerakoan eskumatara dagoen bidegurutzea hartu eta hurrengo bidegurutzera heltzerakoan, ezkerretarantz jo harrizko pistatik.

Igoera hasten da, lehen bidegurutzean ezkerretarantz jo (eskumatik Sollubera joaten da), hurrengora heltzerakoan, eskumatik jarraitu eta azkenengoan ezkerrerantz (eskumatik Sollubera era joaten da).

Igoera Garbola mendian bukatzen da. Ezkerretara dagoen bidegurutzea hartzen dugu (eskumatik San Pelayo-ra joan daiteke Burgoatik) eta 180º jiratu ondoren eskumatara, jaitsiera gogor bat hasten da.

Asfaltoan gaudenean eskumatara bidegurutze bat hartuko dugu eta gero ezkerretara, igo garen lekutik.

Zubia igaro ondoren Mungiarantz jo errepidetik, 12 km, eskumatara Armintzara joateko dagoen desbideratzea hartu eta errepidetik jarraitu behatokiak dituen altu batera arte. Apur bat jaitsi eta ezkerretara dagoen zementuzko pista hartu (pixka bat igoz).

Eskumatara jarraitu bidegurutzetan Jatara heldu arte (antena) eta pista beretik jaitsi eraikuntza txiki batera heldu arte. Behin hemen, eskumatara jarraitu. Laster pista jaisten hasten da Larrondo auzora arte eta hemen jatetxe bat aurkituko dugu.

Eskumatarantz jarraitu, 15 km., irteera puntura jaisteko (guztira 27 km).

Iruzkina: Bai Bermeoko itsasorantz (Urdaibaiko Biosfera) zein Bakiorantz bista ederrez beteriko zirkuitu polita da. Jatatik euskal kosta eta Bizkaiko zati baten bista onez goza daiteke. 500-600 metrotako desnibela dituzten igoera gogor bi daude baina hauek jaitsierekin konpentsatzen dira.

Basa dagoen egunetarako aukera ona izan daiteke lurra ona baita (harri txingor eta asfaltozkoa). Gainera ondo markaturik dago eta ez dago galtzerik. Bisita bat egiteak merezi du.