Sekzio berri honetan bai ezagutzen dituzuen errutak zein interesgarriak izan daitezkeen horiek gurekin konpartitzea nahiko genuke.

Zuen ekarpenak info@kirik.com -en espero ditugu.

01-Getxo - Plentziako labarra
02-Ganguren Bilbotik
03-Urkiolako parke naturala
04-Bakiotik zirkuitua

FITXA TEKNIKOA:
Egoera: Bizkaiko probintzian Kantauri itsarora begira dauden labarrak
Ibilbidea: 32 kilometro
Sailtasuna: erraza
Desnibela: 600 metro
Ziklabilitatea: 100%
Iraupena: 3-4 ordu

Martxa planifikatzean pentsatu beharko gauzetariko bat zera izango da, itzulera ere egin nahi izanez gero, igoera eta jaitsiera iraunkorrek koska egingo dutela praktika gutxi daukaten zaleen oinetan. Gure posibilitate eta egoera fisikoaren arabera ibilitakotik beti itzuli ahalko gara.

Lagun talde batekin egitea aproposa litzateke. Aurkeztutako trialaren zailtasun txikiekin batez ere bideak aukeratzerakoan, dibertsioa zihurra da .

IBILBIDEA:
Getxo herriko Aixerrota deituriko errota famatuaren ondoan dagoen aparkalekutik irtengo gara

Beti labarraren ertzetik, markaturik dagoen bidetik egingo dugu aurrera, Kantauri itsasora dauden bista ederrez gozatuz eta ibilbide entretenigarri honetatik jarraituz, Aizkorri, Salvajeko hondartza, eta Sopela edo Artxibiribileko hondartzak ikusiko ditugu altu batetan dagoen aparkaleku batetatik.

Errepiderantz jaitsiz (km 6,5) azken hondartza honetara heldu aurretik eskumatarantz joko dugu asfaltatutako aldatz gogor batetatik, berriro ere labar gaineko landetara heldu arte. Hiritarpen bat bordeatuz, Meñakoz deituriko kalaren sarrerararte joko dugu bidetik (km. 8,5). Igoera luze baina moderatu baten ondoren, itsasoraino jaisten den 100 metrotako altuera baino gehiagoko labar batet daukan ibilbideko puntu gorenera helduko gara .

Asfaltua ukitu gabe jaisten hasiko gara “Gaztelu Punta” deituriko Plentziako badiaren behatokira heldu arte. Barrikako hondartzara jeitsiko gara (km. 12). Gero Barrika herria bistan daukagularik, eskumatara dagoen kurba bat hartu eta harriko mehankoil pistatik igoko gara. Gailurrean, ezkerreruntz botako dugu egurrezko ate handi batetatik igaroz.

Landan dauden traza batzuetatik jarraituko dugu gero alanbrada batetako pasu batetatik igarotzeko. Zuhaizkak dauden tokitik jarraituko dugu eta jaisterakoan berriro ere errekaren bestaldetik baida eta Plentzia eta Gorlizeko herriak ikusiko ditugu .

Bide zabala utzi gabe aurrerantz joko dugu. Bide honek erreka bordeatzen du, hiritarpen baten atzekaldeko errepide generalean dagoen egurrezko ate handi baten ostean itsasoratzen delarik (km. 14,8). Zubi berri eta modernistaraino joaterik baino ez daukagu, behin hau zeharkatuz gero Plentziako plazara heltzeko (km. 16). .

Itzulera ibilbide berdinetik edo errepidetik egin daiteke baina normalean trafiko asko egoten da eta horregatik aukerarik lasaiena labarraren aukera da.

Ganguren edo Santa Marina, Ibaizabal eta Nerbioi Asuatik banatzen duen puntu gorena da.

Erliebearen leuntasunak eta pasaia hiritartuak Ganguren zerrako El Vivero deiturikoa, Bilbo inguruan dagoen tokirik atseginenetarikoa egiten du ibili ahal izateko. Guda zibil garaian toki hau “Cinturón de Hierro” retaguardiaren parte izan zela ezerk ez du iadanik gogorarazten. Duela urte gutxirarte aldiz, pasaia honetan gotorlekuen hondakinak ikusi ahal ziren baina bai lurraren zein pista forestal etab.rren birmoldaketek, desagerrerazi egin dute.

FITXA TEKNIKOA:
Altitudea: 479 metro.
Mendilerroa: Gangureneko mendilerroa
Irteera puntua: Otxarkoagako auzoa (Bilbo)
Desnibela: 390 metro.
Zailtasuna: erraza.
Interes puntuak: “El Vivero” Cinturón de Hierro deiturikoaren hondakinak.
Bisita gomendatuak: Bilbok dituen aukerak ugariak dira arlo guztietan.
Artxandako behatokiak (Bilboko panoramika)
Tontorretik dauden bistak:
Iparrerantz: Asua, Jata eta Sollube.
Hegoalderantz: Bilbo eta atzekaldean Ganekogortako mendigunea.
Ekialderantz: Oiz, Durangaldeko mendiak eta Gorbeia.
Mendebalderantz: Serantes eta itsasoa.

IRISPIDEA:
Toki ugaritik heldu daiteke baina punturik egokiena ibilbide guztia egin nahi duten bilbotarrentzat Otxarkoagako auzoa da, Rekako bidetik.

IGOERA:
Briñas edo Santa Marinako osasun-egoitzaruntz igoera, Rekako bidean hasten da. Asfaltatutako pista da hau, aldapatsua, tapia, ortu eta eskolen artetik goruntz eginez, Santo Domingo puntarantz joan beharko dugularik. Gero Oruetako bidearekin bat egingo dugu eta baserri zahar baten atzetik igaroz, Santa Marinara doan bidera helduko gara. Asfaltotik osasun egoitzararte jaitsiko gara.

Santa Marinako aparkalekuaren atzekaldetik, asfaltatutako xenda hartu eta mendiruntz joko dugu. Xenda hau laster harrizko bidean bihurtuko da eta jolasparkea izandakorantz eramaten duen sahiesbide zabal bat ekidin beharko dugu.

Gure bideak pinadi artetik eramango gaitu eta San Antoniorantz doan bidean bukatzen da. Bertan, buztinezko bide estu batetatik berriro ere igotzen hasi beharko gara. Gutxi gora behera jolasparkearen azpian gaude, puntu honetatik ikusezina hala ere. Laster metroak irabaziko ditugu beste bidegurutze batetara heldu arte. Errepidea gurutzatu beharko da, bidea berriro hartuz gure helburura heldu arte (El Vivero beti bistan izango dugu). 10 minutu beranduago, baserri batetatik igaroko gara eta El Vivero-ko zuhaiztira helduko gara.

El Vivero-n iturria eta taberna dagoz eta bertan atseden hartu ostean, Gangureneruntz joko dugu. Ez dauka galtzerik, krestako punturik gorena bait da. Igoera, kontrasu batetatik egiten da. Gailurrean antenaz beterik, hesitutako bunker antzerakoa dago.

Otxarkoagarantz jaitsiera era bitaz egin daiteke. Bata errepidetik, jaitsiera labur baten ondoren, eta bestea kontrasua jarraituz, mendi bizkarrak Santo Domingotik datorren errepidearekin daukan bateratze punturarte. Gero, Santiago Bideko seinale baten ondoan, Auril mendira eramaten duen harritxirrizko bidea hasten da. Puntu horretan, hasieran bertatik eta gero bideak saltatuz, altuera galtzen hasten da, bide eta zidor bat gurutzatuz, birpopulaketa area eta baserri baten ondoan dagoen jatetxe batetara heldu arte. Lehenengo aukerarekin Santa Marinako errepideraino jaitsiko gara lehenik eta gero Oruetako bidetik, Otxarkoagarantz.

Irispideak:
Bilbo-Behobia autopistatik etorriz gero, Durangoko irteera hartu beharko dugu (Urkiolako Parke Naturala eta Gasteiz seinalatzen duena).
Bidesaritik irten bezain pronto Elorrioruntz doan errepidea hartzen dugu, BI-632-a, Abadianora heltzear gaudenean desbideratze bat hartuko dugu gure eskumatara BI-4335 errepide komarkala hartzeko eta Mendiola auzorantz joateko. Gure ezkerretara ikusiko dugun lehen tabernan (bidegurutzetik kilometro bi gutxi gora behera), kotxeak utzi ahal izango ditugu.

Ibilbidea:
•  0,00 Km-a: Mendiola. Etorritako zuzenbidetik, tabernatik irtengo gara eta Sagasta auzora eramaten duen bide bat ezkerretara utziz, zuzen joko dugu Atxarteko harrobira heldu arte (eskalada eskola) (300 mtr.). Zuzen igotzen den bidea hartuko dugu zubi bat igaroz, ermita bat eskumatara egongo da eta ia 250 metro dituen gure lehen aldapa igongo dugu (nahiko gogorra da arinago berotu ez bagaren).

•  3,50 Km-a. Apurkanaka igoten joango den pista batetan sartuko gara. Azkenera heltzerakoan 90º biratuko gara eta 2 km dituen aldapa gogor batetatik jarraituko dugu. Ondoren pista zuzena egiten da eta pinu eta pagoz beteriko baso laun batetatik ibiliko gara.

•  9,00 Km-a. Pista hau Durangotik Urkiolara igotzen den errepidean bukatzen da, BI-623an Txakurzulo deituriko puntuan. (560 mtr). Errepidea ezkerretara hartuko dugu eta bertatik igoko gara Urkiolako portura heldu arte.

•  10,00 Km-a. Ezkerretara jiratuko gara eta aldatz gogorreko errepide batek, Urkiolako Santutegian utziko gaitu.

•  10,40 Km-a. Asfaltaturiko errepidearen amaieran, aparkalekuen ondoan, aterpe bat dago eta bertan uraz hornitu ahal izango gara.

Guk aurrean dagoen pista launetik jarraituko dugu Pol-Pol-eko kanpetara heldu arte.

•  13,50 Km-a. Hemen babesleku txiki bat daukagu, eguraldi okerra egonez gero, aterpe giza balioko digu indarrak berreskuratu arte. Gure aurrean Anboto mendia dago bere 1331 metrokin. Jarraitu behar dugun pista ikusten da. Aldatza hasten den tokian, pistak egiten duen kurbaren ondoan, ibilbidearen hurrengo puntua seinalizatzen duen poste bat daukagu, Zabalandi. Pistaren lehenengo zatia nahiko aldapatsua da Anbotoko basera heldu arte.

•  14,20 Km-a. Hemendik aukera bi ditugu. Bata eskumatara dagoen pista hartzea, hemendik pago artetik Zabalandirarte joango gara bide lasai batetatik. Bestea aurrerantz jarraitzea (zona nahiko teknikoa), gutxira beste pistarekin bat eginez.

•  17,00 Km-a. Zabalanditik jeitsiera jarraituko dugu Tellamendira heldu arte, pista gure ezkerretara utziz. Txabola baten ondotik igaroko gara eta xenda txiki batetatik sustraiez beteriko pagoen baso batetatik eta ezkerretara dagoen sakana sakon batetatik igaroko gara (kontuz lurra buztirik badago, erorketa zihurra da eta).

•  23,50 Km-a. Betsaide mendia seinalizatzen duen poste berri bat aurkitu arte jarraituko dugu (hil diren mendizaleen homenez monumentua dauka). Betsaiden hiru probintziak elkartzen dira, Araba, Bizkaia eta Gipuzkoa. Bidegurutze batetararte jarraituko dugu pistatik eta gure ezkerretara, beste pista bat hartuko dugu (kontu handiz ibili kotxeek igo ahal dute eta), Apatamonasteriora heldu arte.

•  31,50 Km-a. Marzana auzotik Axperarte joango gara. Sagaztatik banantzen gaituen bizkarreruntz arrapala batzuk igoko ditugu (2 km.), horretarako eskumatarantz banatuko gara markatutako pistatik.

•  33,50 Km-a. Tontorretik esandako auzotik, Mendiolarantz jaisten hasiko gara (36,00 Km-a)

Distantzia: 36 Km
Gutxienezko kota: 130 metro
Gehienezko kota: 980 metro
Ziklabilitatea: 100%
Gutxi gora behera beharreko denbora: 4-5 ordu.

Oharrak: Derrigorrezkoa da forma onean egotea (nahiz eta azken finean zelako martxan joaten den arabera izan). Belainoa egonez gero Zabalandi eta Betsaide artean, posible da okertzea. Distantziak ez dira guztiz zehatzak, duela denbora asko egin bait nuen ibilaldia eta xehatasun txikiak ez ditut ondo gogoratzen.

Jatera gelditzera pentsatuta izanez gero, zona honetatik jateko tipikoa (baburrunak, txuletoi ona ...) daukaten jatetxe batzuk daude.

Kokalekua: Bakio (Bizkaia)
Bata bestekoak: 1-10-2000: 13,7 km/ordu (29 km), 2 ordu 10 min.
Zirkuitua: Bizkaiko Foru Aldundiak markaturiko Jesus Loroño eta Adolfo Uriona erruten konbinaketa.

IBILBIDEA:
Bakioko futbol zelaitik irteera (Zubiaur auzoan). Bakioko zuzenbidean, eskumatara dagoen errepidea hartzen da. Zubia igarotzerakoan eskumatara dagoen bidegurutzea hartu eta hurrengo bidegurutzera heltzerakoan, ezkerretarantz jo harrizko pistatik.

Igoera hasten da, lehen bidegurutzean ezkerratarantz jo (eskumatik Sollubera joaten da), hurrengora heltzerakoan, eskumatik jarraitu eta azkenengoan ezkerreruntz (eskumatik Sollubera era joaten da).

Igoera Garbola mendian bukatzen da. Ezkerretara dagoen bidegurutzea hartzen dugu (eskumatik San Pelayo-ra joan daiteke Burgoatik) eta 180º jiratu ondoren eskumatara, jaitsiera gogor bat hasten da.

Asfaltuan gaudenean eskumatara bidegurutze bat hartuko dugu eta gero ezkerretara, igon garen lekutik.

Zubia igaro ondoren Mungirantz jo errepidetik, 12 km, eskumatara Armintzara joateko dagoen desbideratzea hartu eta errepidetik jarraitu behatokiak dituen altu batetararte. Apur bat jaitsi eta ezkerretara dagoen zementuzko pista hartu (pixka bat igoz).

Eskumatara jarraitu bidegurutzetan Jatara heldu arte (antena) eta pista beretik jaitsi eraikuntza txiki batetara heldu arte. Behin hemen, eskumatara jarraitu. Laster pista jaisten hasten da Larrondo auzorarte eta hemen jatetxe bat aurkituko dugu.

Eskumatarantz jarraitu, 15 km., irteera puntura jaisteko (guztira 27 km).

Iruzkina: Bai Bermeoko itsasorantz (Urdaibaiko Biosfera) zein Bakiorantz bista ederrez beteriko zirkuito polita da. Jatatik euskal kosta eta Bizkaiko zati baten bista onez goza daiteke. 500-600 metrotako desnibela dituzten igoera gogor bi daude baina hauek jaitsierekin konpentsatzen dira.

Basa dagoen egunetarako aukera ona izan daiteke lurra ona bait da (harri txingor eta asfaltuzkoa). Gainera ondo markaturik dago eta ez dago galtzerik. Bisita bat egiteak merezi du.